हामी सबैकाे संसारन्यूज

काठमाडौं । रुस–यूक्रेनबीचको युद्ध निर्णायक मोडतिर पुगेको छ । रुसले मुख्य–मुख्य सहरलाई कब्जा गरिसकेको छ भने कीभलाई नियन्त्रणलाई लिन चारै तर्फबाट घेराबन्दी गरिरहेको छ । रुस–यूक्रेन युद्धको आठौं दिन कीभमा भिषण युद्ध चलिरहेको अन्तराष्ट्रिय सञ्चार माध्यमहरुले जनाएका छन् ।

यसैबीच, रुसी सैनिकलाई आफ्नो क्षेत्रमा प्रवेश गर्न नदिन हजारौं संख्यामा यूक्रेनी जनता निहत्थै सडकमा निस्किएका छन् । रुसी सैनिकलाई बाटो नदिन यूक्रेनी जनता निहत्थै रुपमा सकडमा निस्किएका हुन् ।

This is a true People’s War for Ukraine. Putin has no chance of winning it. On this photo civilians block Russian invaders in Energodar yesterday. One of hundreds of such photos and videos. We need partners to help Ukraine defend itself. Especially in the air. Close the sky now! pic.twitter.com/Wv2uLMWrD4

— Dmytro Kuleba (@DmytroKuleba) March 3, 2022

युक्रेनका विदेशमन्त्री दिमित्रो कुलेबाले सामाजिक सञ्जालमार्फत सडकमा निस्किएका जनताको तस्बिर सेयर गर्दै “रुसले जित्न नदिने” बताएका छन् ।

उनले जनताहरु प्रतिरोध गर्न निस्किसकेको भन्दै सहयोगको अपिल पनि गरेका छन् । उनले हवाई क्षेत्रमा सहयोग गरे रुसी सेनालाई पराजित गराउन सक्ने बताएका छन् ।

युक्रेनमा जारी द्वन्द्वमा ९ हजार रुसी सैनिकको मृत्यु भएको दाबी

युक्रेनमा जारी यो युद्धसँग सम्बन्धित दाबी दुवै पक्षबाट भइरहेको छ । युक्रेनी सेनाले रुससँगको द्वन्द्वमा हालसम्म नौ हजार रुसी सैनिक मारिएको दाबी गरेको छ ।

एक दिनअघि रुसको रक्षा मन्त्रालयले युक्रेनसँगको द्वन्द्वमा आफ्ना ४९८ सैनिक मारिएको र १५९७ घाइते भएको स्वीकार गरेको थियो ।