Sansar News
काठमाडौं । नेपालमा आज ६८ जना नयाँ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज गरिएको ४ हजार ९२९ नमुना परीक्षणमा ६८ जना कोरोना संक्रमित थपिएका हुन् ।
आज थपिएका ६८ जनासँगै नेपालमा हालसम्म कोरोनाबाट संक्रमित हुनेको संख्या ९ लाख ७७ हजार ७२० पुगेको छ । ती मध्ये आज निको भएका ५३८ जनासँगै हालसम्म निको हुनेको संख्या ९ लाख ५९ हजार ८९ पुगेको छ ।
त्यसैगरी आज थपिएका २ जनासँगै हालसम्म ११ हजार ९४७ जनाको कोरोना संक्रमणबाट मृत्यु भएको छ ।
नेपालमा हाल ६ हजार ३३८ जना कोरोनाका सक्रिय संक्रमित रहेकामा ६ हजार ८१६ जना होम आइसोलेशन र संस्थागत आइसोलेशनमा १२३ रहेका छन् । साथै ४७ जना आइसीयु र ९ जना भेन्टिलेटरमा उपचाररत छन् ।
त्यसैगरी नेपालमा थप ८८ हजार ५६६ जनाले कोरोनाविरुद्धको खोप लगाएका छन् ।
३३ हजार ३५ नमुना परीक्षणमा ६७६ मा संक्रमण
यो साता गरिएका ३३ हजार ३५ पिसीआर परीक्षणमा ६७६ जनामा कोरोना संक्रमण पुष्टि भएको छ । यो साता संक्रमणको दर ०.२ प्रतिशत रहेको छ । पछिल्लो हप्ताको तुलनामा १.९ प्रतिशतले कम हो । साथै १८ हजार ४७१ नमुना परीक्षणमा २२२ जनामा संक्रमण पुष्टि भएको छ ।
यो हप्ताको औसत संक्रमणको दर १.७ प्रतिशत रहेको पनि मन्त्रालयले जनाएको छ । मन्त्रालयले कोरोना संक्रमण घट्दै गएपनि धेरै मानिसहरु कोरोनाविरुद्धको खोप लगाउन बाँकी रहेको, जनस्वास्थ्यका मापदण्डको उल्लंघन लगायतका कारण कुनैपनि बेला कोरोना संक्रमण हुनसक्ने र स्वाथ्य गम्भीर हुन सक्नेप्रति सचेत गराएको छ ।
वि.सं.२०७८ फागुन २२ आइतवार १७:०३ मा प्रकाशित
