Sansar News
काठमाडौं । नेपालमा आज १२६ जना नयाँ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज गरिएको ८ हजार ९३३ नमुना परीक्षणमा १२६ जना कोरोना संक्रमित थपिएका हुन् ।
आज थपिएका १२७ जनासँगै नेपालमा हालसम्म कोरोनाबाट संक्रमित हुनेको संख्या ९ लाख ७७ हजार ५६१ पुगेको छ । ती मध्ये आज निको भएका ३८५ जनासँगै हालसम्म निको हुनेको संख्या ९ लाख ५८ हजार १९३ पुगेको छ ।
पछिल्लो २४ घण्टामा १ जना कोरोना संक्रमितको मृत्यु भएको छ । यो संगै कोरोनाबाट ज्यान गुमाउनेको संख्या ११ हजार ९४५ पुगेको छ ।
त्यसैगरी नेपालमा हाल ७ हजार २४२ जना कोरोनाका सक्रिय संक्रमित रहेकामा ७ हजार ९९ जना होम आइसोलेशन र संस्थागत आइसोलेशनमा १४३ रहेका छन् । साथै ५४ जना आइसीयु र १० जना भेन्टिलेटरमा उपचाररत छन् ।
त्यसैगरी नेपालमा थप ३७ हजार १९२ जनाले कोरोनाविरुद्धको खोप लगाएका छन् ।
यो संगै नेपालमा हालसम्म ३ करोड ७४ लाख ३१ हजार ६४० मात्रा कोरोनाविरुद्धको खोप लगाइएको छ ।
निरन्तर घट्दै कोरोना संक्रमितको संख्या, आज १०५ संक्रमित ३२० संक्रमणबाट मुक्त
वि.सं.२०७८ फागुन २० शुक्रवार १६:५४ मा प्रकाशित
