Sansar News
काठमाडौं । नेकपा (माओवादी केन्द्र)को दोस्रो दिनको केन्द्रीय कमिटी बैठक सुरु भएको छ । गौशालास्थित अनुपम फुडल्याण्डमा बैठक १२ बजेदेखि सुरु भएको हो ।
शुक्रबारदेखि सुरु भएको बैठक आन्तरिक विवाद मिलाउन नसक्दा निरन्तर स्थगन हुँदै आएको थियो ।
बैठक बस्नुअघि अध्यक्ष पुष्पकमल दाहाल‘ ‘प्रचण्ड’ निवासमा नेताहरूबीच अनौपचारिक छलफल भएको थियो । आजको बैठकमा केन्द्रीय कमिटीलाई पूर्णता र नेताहरुको कार्यविभाजन गर्दै समापन गर्ने तयारी रहेको नेताहरुले बताएका छन् ।
गत पुस १८ गते सम्पन्न सो पार्टीको महाधिवेशनले अपूरो केन्द्रीय कमिटी बनाएको थियो भने पहिलो केन्द्रीय कमिटी बैठकले अध्यक्ष चयन गरेको थियो ।
माओवादीको विधानअनुसार १५ सदस्यीय पदाधिकारी चयन गर्ने अधिकार केन्द्रीय कमिटीलाई छ । सहमतिका आधारमा पदाधिकारी चयन गर्ने प्रयास अध्यक्ष प्रचण्डको भएपनि उनको प्रयास असफल भएको छ ।
वि.सं.२०७८ फागुन २३ सोमवार १२:५७ मा प्रकाशित
