Sansar News
काठमाडौं । रुस र युक्रेनबीचको युद्धको आज १४ औं दिन हो । रुसले यूक्रेनमाथि निरन्तर हमला गरिरहेको छ ।
राजधानी कीभमाथि कब्जा गर्न रुस अन्तिम तयारीमा छ । उसले कीभमाथि हवाई हमला गर्दैछ । रुसको आक्रमणलाई ध्यानमा राख्दै कीभ र आसपासका क्षेत्रमा हवाई अलर्ट घोषणा गरिएको छ । समाचार एजेन्सी एपीको रिपोर्टका अनुसार स्थानीय जनतालाई जतिसक्दो चाँडो बंकरहरूमा जान अपील गरिएको छ।
यसैबीच, युक्रेनका राष्ट्रपति भोलोडिमिर जेलेन्स्कीले रुसका सबै माग मान्न तयार भएको घोषणा गरेका छन् । उनले नेटोमा आबद्ध नहुनदेखि रुसले उठाएका मागहरुलाई मान्न तयार रहेको बताएका हुन् ।
तर, रुसले कीभमाथि हवाई हमला गर्ने तयारी गरेसँगै विषय तत्कालै समाधान नहुने देखिएको छ । रुसले राष्ट्रपति जेलेन्स्कीलाई थप झुकाउन खोजेको देखिन्छ ।
सम्बन्धित समाचार
वि.सं.२०७८ फागुन २५ बुधवार १२:२० मा प्रकाशित
