हामी सबैकाे संसारन्यूज

काठमाडौं । रुस र युक्रेनबीचको युद्धको आज १४ औं दिन हो । रुसले युद्धमा फसेका मानिसहरूको उद्धार गर्न भन्दै बुधबार तेस्रो पटक युद्धविरामको घोषणा गरेको छ ।

मिडिया रिपोर्टअनुसार कीभ, खार्किभ, सुमी, मारिउपोल, चेर्निहाइभ सहरहरूमा युद्धविराम हुनेछ। नतोकिएका क्षेत्रमा भने रुसले सैन्य कारबाही जारी राख्ने बताइएको छ ।

यसैबीच, राजधानी कीभमाथि हवाई हमलाको त्रास फैलिएको छ । रुसले युद्धबिरामको घोषणा गरेको भएपनि हवाई हमला हुनसक्ने भन्दै नागरिकलाई सुरक्षित रहन अपिल गरिएको छ ।

कतिपय सञ्चार माध्यमले रुसको युद्धबिराम युक्रेनी राष्ट्रपति भोलोडिमिर जेलेन्स्कीले सम्झौता गर्न तयार रहेको घोषणा पछि आएको बताएका छन् । राष्ट्रपति जेलेन्स्कीले रुसका सबै मागलाई सम्बोधन गर्न तयार रहेको घोषणा गरेका थिए ।

२० लाखले छाडे यूक्रेन

रुसले आक्रमण गरे यता यूक्रेनबाट २० लाख मानिस विस्थापित भएका छन् । सेभ द चिल्ड्रेनको रिपोर्टअनुसार लाख मानिसले युक्रेन छाडेका हुन् । जसमा ८ लाख बालबालिका पनि रहेको बताइएको छ । त्यहाँ धेरै बच्चाहरू पनि छन् जो आमाबाबु बिना युक्रेन छोड्न बाध्य भएका थिए।

यसैबीच छिमेकी मुलुकमा शरणार्थी संकट बढेको छ । मानिसहरू रोमानिया, पोल्याण्ड, मोल्डोभा, स्लोभाकिया, हंगेरी र बेलारुसमा शरण लिइरहेका छन्। यी मानिसहरूलाई व्यवस्थापन गर्न कठिन भएको मिडिया रिपोर्टहरु सार्वजनिक भएका छन् ।

एकातिर अमेरिकाले राज्यमा आउने युक्रेनीलाई ‘टेम्पोररी प्रोटेक्टेड स्टेटस’ दिने निर्णय गरेको छ । अर्कोतर्फ बेलायत जानका लागि मानिसहरुलाई समस्या भइरहेको छ ।

सम्बन्धित समाचार

अन्ततः झुके जेलेन्स्की, रुसका सबै मागमा सम्झौता गर्न सहमत

कीभमाथि हवाई हमलाको तयारीमा रुस, नागरिकलाई बंकरमा जान गरियो अपिल