Sansar News
काठमाडौं । नेपालमा आज २२४ जना नयाँ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज गरिएको १० हजार ९२ नमुना परीक्षणमा २२४ जना कोरोना संक्रमित थपिएका हुन् ।
आज थपिएका १९४ जनासँगै नेपालमा हालसम्म कोरोनाबाट संक्रमित हुनेको संख्या ९ लाख ७७ हजार ८६५ पुगेको छ । ती मध्ये आज निको भएका २५१ जनासँगै हालसम्म निको हुनेको संख्या ९ लाख ६१ हजार ६८ पुगेको छ ।
त्यसैगरी आज संक्रमणबाट मृत्यु हुनेको संख्या शून्य रहेको छ । नेपालमा हालसम्म हालसम्म ११ हजार ९४९ जनाको कोरोना संक्रमणबाट मृत्यु भएको तथ्यांक रहेको छ ।
नेपालमा हाल ५ हजार ६९२ जना कोरोनाका सक्रिय संक्रमित रहेकामा ५ हजार ५६८ जना होम आइसोलेशन र संस्थागत आइसोलेशनमा १३० रहेका छन् । साथै ३९ जना आइसीयु र ५ जना भेन्टिलेटरमा उपचाररत छन् ।
त्यसैगरी नेपालमा थप १६ हजार ८९ मात्रा कोरोनाविरुद्धको खोप लगाइएको छ ।
वि.सं.२०७८ फागुन २५ बुधवार १६:४२ मा प्रकाशित
