हामी सबैकाे संसारन्यूज

काठमाडौं । रुस र युक्रेनबीचको युद्धको आज १९ औं दिन हो । तर, दुई देशबीचको युद्ध रोकिनेभन्दा पनि थप जटिल हुने अवस्थातर्फ पुगेको छ । युक्रेनमा रुसले आक्रमण झनै तीव्र पारेको छ । रुसले युक्रेनका २४ सहरलाई निशाना बनाउँदै आक्रमण गरिरहेको छ । जसमध्ये १९ मा रेड अलर्ट जारी गरिएको छ । रुसले यहाँ लगातार बम वर्षा गरिरहेको छ। पश्चिमा देशहरुको हस्तक्षेप भएसँगै रुसले थप आक्रमणलाई तिव्रता दिएको हो ।

अब रुसले अमेरिकी कम्पनीमाथि कारबाही गर्ने

युक्रेनमा भएको आक्रमणपछि अमेरिकाले रुसमाथि लगातार प्रतिबन्ध लगाएको छ । यस्तो अवस्थामा अब रुसले पनि अमेरिकी कम्पनीहरु विरुद्ध कारबाही गर्ने तयारी गरेको छ ।

रिपोर्टका अनुसार रुसले अमेरिकी कम्पनीको सम्पत्ति जफत गर्ने योजना बनाएको छ । बताइअनुसार रुसले पश्चिमा देशका कम्पनीका अधिकारीलाई नै पक्राउ गर्ने तयारी पनि गरेको छ ।

रसियामा इन्स्टाग्राम प्रतिबन्ध

रसियामा सोमबारदेखि इन्स्टाग्राममाथि प्रतिबन्ध लगाएको छ । फेसबुकले पुटिनविरुद्धको नियम परिवर्तन गरेपछि रुसले यस्तो कदम चालेको हो । इन्स्टाग्रामका धेरै प्रयोगकर्ता रुसमा छन् । योसँगै इन्स्टाग्रामलाई पनि नराम्रो धक्का लाग्ने देखिएको छ । इन्स्टाग्रामले रुसले आफ्नो साइटमाथिको प्रतिबन्ध खोल्नुपर्ने माग राखेको छ ।

सम्बन्धित समाचार

के रुस यूक्रेन युद्धमा हार्न लागेको हो ?