हामी सबैकाे संसारन्यूज

१ चैत, काठमाडौँ । नेपाल टेलिकम लिमिटेडले गत आर्थिक वर्षको मुनाफाबाट शेयरधनीहरुलाई लाभांश वितरण गर्ने घोषणा गरेको छ ।

कम्पनीले गत असार मसान्तसम्म कायम चुक्ता पूँजीको २० प्रतिशत बोनस शेयर र २० प्रतिशत नगद लाभांश (कर सहित) गरी कुल ४० प्रतिशत लाभांश वितरण गर्ने घोषणा गरेको हो ।

लाभांश वितरण गर्ने प्रस्ताव पारित गर्न कम्पनीले चैत २४ गते वार्षिक साधारण सभा डाकेको छ । साधारण सभा प्रयोजनार्थ कम्पनीले चैत ११ गतेदेखि २३ गतेसम्म बुकक्लोज गर्ने भएको छ । यस अनुसार चैत १० गतेसम्म नेप्सेमा कारोबार भइ कायम शेयरधनीहरुले कम्पनीले वितरण गर्ने लाभांश प्राप्त गर्नुका साथै कम्पनीको साधारण सभामा सहभागिता जनाउन सक्नेछन्।