Sansar News
फर्शुराम भुर्तेल, पर्वत । पर्वतको पैँयु गाउँपालिकाको आयोजनामा अन्तर वडास्तरीय गाउँपालिका अध्यक्ष कप भलिवल प्रतियोगिता सुरु भएको छ ।
‘स्वास्थ्यका लागि खेलकुद, राष्ट्रका लागि खेलकुद’ भन्ने नाराका साथ सोमबार सुरु भएर बुधबार सम्पन्न हुने उक्त प्रतियोगिताको गाउँपालिकाका अध्यक्ष खगेन्द्र तिवारीले एक समारोहकाबीच सोमबार उद्घाटन गरेका हुन् ।
उद्घाटनका क्रममा अध्यक्ष तिवारीले स्वास्थ्यका साथै पैयूँ गाउँपालिकाका युवाहरुलाई लक्षित गरेर खेलको आयोजना गरिएको बताउँदै अनुशासित रुपमा खेलमा भागलिन आग्रह गरेका थिए ।
अध्यक्ष तिवारीले खेललाई व्यवसायिक रुपमा विकास गर्नुपर्ने र खेलकै माध्यमबाट पैयूँको नाम देश विदेशमा चिनाउन सकिने बताउँदै खेल क्षेत्रको विकास र समृद्दिका लागि लागिपर्ने बताए ।
उक्त प्रतियोगिता उद्घाटन समारोहमा पालिकाकी उपाध्यक्ष जसमति गुरुङको स्वागत मन्तव्य रहेको थियो ।
वि.सं.२०७८ चैत ८ मंगलवार ०९:०३ मा प्रकाशित
