हामी सबैकाे संसारन्यूज

काठमाडौं । नेपाली कांग्रेसको केन्द्रीय कार्यसमिति बैठकमा अर्थमन्त्री जनार्दन शर्मालाई बर्खास्ती गर्न माग उठेको छ । अर्थमन्त्री शर्मा असमक्ष सिद्ध भइसकेको भन्दै नेताहरुले बर्खास्ती गर्ने वा राजीनामा दिनेमध्ये एक विकल्प अघि बढाउनुपर्ने माग गरेका छन् ।

अर्थमन्त्री शर्माकै कारण अर्थतन्त्र गम्भीर संकटमा पुगेको निष्कर्षसहित नेताहरुले यस्तो माग गरेका हुन् । कांग्रेस बैठकबारे जानकारी गराउँदै नेता प्रकाश स्नेहीले कांग्रेसका अर्थविद्हरुको समूहले अर्थमन्त्री असफल भएको दस्तावेज नै पेस गरेका छन् । नेताहरुको चिन्ता नेपाल श्रीलंका बन्ने त होइन भन्नेमा रहेको उनले बताए ।

“पार्टीका अर्थविद्हरुको समूह (योजना आयोगका पूर्वउपाध्यक्षसमेत)ले अर्थमन्त्री असफल भएको भन्दै लिखित दस्तावेज नै प्रस्तुत गर्नुभएको छ, हामीले पनि राजीनामा वा वर्खास्त गर्न माग गरेका छौं”, नेता स्नेहीले भने, “नेपालको हालत श्रीलंकाको जस्तो हुनेमा नेताहरुले सचेत गराउनुभएको छ ।”

नेताहरुले निर्वाचनमा मतपत्र नै छाप्नसमेत संकट हुन थालेको भन्दै चिन्ता व्यक्त गरेका थिए । बैठकमा बोल्ने नेताहरुको निष्कर्ष माओवादीबाटै अर्थमन्त्री राखे पनि शर्माको भने विकल्प दिनुपर्छ ।

सम्बन्धित समाचार

कांग्रेस बैठक : गठबन्धन गर्ने पक्षमा उभिए अधिकांश केन्द्रीय नेता