काठमाडौं । पाकिस्तानको संसदमा यतिबेला अनौठो घटना चलिरहेको छ । प्रधानमन्त्री इमरान खानले संसद विघटन गर्दै चुनावको घोषणा गरेलगत्तै विपक्षीले संसदलाई कब्जा गरेका छन् ।
विपक्षी दलका सांसदहरुले अविश्वासको प्रस्तावमा मतदान गर्दै नयाँ प्रधानमन्त्री चयन गरेका छन् । विपक्षी दलबाट पीएमएल–एनका नेता शाहबाज सरिफ प्रधानमन्त्रीमा निर्वाचित भएका छन् ।
विपक्षीले संसद कब्जा
पाकिस्तानको राष्ट्रिय सभामा धर्नामा बसेका विपक्षी दलहरूले संसद कब्जा गरेका हुन्। विपक्षी दलले अयाज सादिकलाई सभामुख निर्वाचित गरेको छ भने अविश्वासको प्रस्तावमा पनि मतदान गरेको छ । अविश्वासको प्रस्तावको पक्षमा १९५ मत परेको विपक्षीले बताएका छन् ।
संसद मुद्दा सर्वोच्चमा
पाकिस्तानमा राजनीतिक उथलपुथलका बीच पाकिस्तानको सर्वोच्च अदालत सक्रिय भएको छ । संसद विघटनको मुद्दामा सुनुवाइ गर्न सर्वोच्चले विशेष इजलास गठन गरिएको छ । इजलासले विघटनको मुद्दामा छिटोभन्दा छिटो आदेश दिने गरि तयारी गरेको छ ।
सम्बन्धित समाचार
अविश्वासको प्रस्ताव खारेज भएसँगै इमरान खानले गरे संसद भंग गर्न सिफारिस
इमरानले सिफारिस गरे लगत्तै राष्ट्रपतिले गरे संसद विघटन, ९० दिनपछि हुनेछ निर्वाचन
