हामी सबैकाे संसारन्यूज

काठमाडौं । कामना सेवा विकास बैंक लिमिटेडले आफ्नो सेवा विस्तार गर्ने क्रममा चितवनको भरतपुर महानगरपालिका वडा नं. २६ ज्योति नगरमा १३५ औं शाखा कार्यालय स्थापना गरी आइतबारबाट कारोबार शुभारम्भ गरेको छ ।

यो सँगै चितवन जिल्लामा बैंकको शाखा संख्या १० पुगेको छ । बैंकले व्यवसाय विस्तारको क्रममा नवीनतम प्रोडक्टहरु तथा वृहत शाखा सञ्जाल मार्फत आफ्ना ग्राहकहरुलाई उच्च स्तरको बैंकिङ सेवा सुविधाहरु उपलब्ध गराउँदै आएको छ । बैंकिङ पहुँच नपुगेका ग्रामीण क्षेत्र तथा व्यवसायको सम्भावना रहेका अन्य शहरी क्षेत्रहरुमा समेत शाखा विस्तार गर्दै जाने बैंकको लक्ष रहेको बैंकका प्रमुख कार्यकारी अधिकृत प्रविण बस्नेतले बताए ।

शाखा विस्तारसंगै बैंकले १३५ वटा शाखा, १ वटा विस्तारित काउन्टर, ७ वटा शाखा रहित बैंकिङ सेवा र ७७ वटा एटिएममार्फत ग्राहकहरुलाई बैंकिङ सेवा प्रदान गर्दै आएको छ ।