Sansar News
काठमाडौं । अनलाईन बिङ्गो खेल्ने १६ जना पक्राउ परेका छन् । काठमाडौं महानगरपालिका-६ बौद्ध प्लाटिङस्थित खाजा घरबाट अनलाईन बिङ्गो खेलिरहेको समयमा उनीहरु पक्राउ परेका हुन् ।
पक्राउ पर्नेमा कागेश्वरी मनोहरा नगरपालिका-७ शिवचोक बस्ने सिन्धुपाल्चोक भोटेकोशी गाउँपालिका-१का पासाङ शेर्पा लगायत १६ जना रहेको प्रहरीले जनाएको छ । उनीहरुलाई आइतबार साँझ महानगरीय प्रहरी वृत्त बौद्धबाट खटिएको प्रहरीले नगद ७४ हजार १ सय ५० रूपैयाँ सहित पक्राउ गरेको हो ।
साथै प्रहरीले उनीहरूको साथबाट १ हजार ५ सय पिस बिङ्गो टिकट र २ थान स्पिकर समेत बरामद गरेको जनाएको छ । घटनाका सम्बन्धमा थप अनुसन्धान भइरहेको प्रहरीले जनाएको छ ।
वि.सं.२०७८ चैत २१ सोमवार १३:५७ मा प्रकाशित
