हामी सबैकाे संसारन्यूज

काठमाडौं । कोकोआबाट बनेको चकलेट दक्षिण अमेरिकाका मूल निवासीहरू विशेष खानाको रूपमा लिन्छन् । यसको गुण र स्वादका कारण केटाकेटीदेखि वृद्धवृद्धालाई लोभिन्छन् । आफ्नो पार्टनरको खुसी बनाउन पनि चकलेट दिने चलन लामो समयदेखि चलिआएको छ । तर, के तपाईलाई थाहा छ चकलेट खाँदा हाम्रो शरीरलाई धेरै फाइदा हुन्छ ।

चकलेटले ब्लड प्रेसरमा फाइदादेखि लिएर मस्तिष्कको उचित कार्य कायम राख्न मद्दत गर्छ। चकलेटले कोलेस्ट्रोलको समस्यामा पनि मद्दत गर्छ । चकलेट यस्तो चीज हो कि बच्चा होस् वा ठूला सबैलाई मनपर्छ । धेरै मानिसहरूलाई चकलेट यति धेरै मनपर्छ कि तिनीहरूले यसलाई दिनभरि अनगिन्ती र निरन्तर उपभोग गर्न सक्छन्। स्वास्थ्य र दाँतलाई नोक्सान नहोस् भनेर अभिभावकले आफ्ना छोराछोरीलाई नियमअनुसार चकलेट खुवाउँछन् ।

यदि चकलेट दैनिक रूपमा सीमित मात्रामा खाइन्छ भने यो स्वास्थ्यका लागि निकै फाइदाजनक हुने तथ्यले बताएको छ । आउनुहोस् जानौं चकलेटका यस्ता गुणहरू जसले स्वास्थ्यलाई फाइदा पुर्‍याउँछ –

चकलेटले तुरुन्तै उर्जा र दुखाइ कम गर्छ

जसलाई एक्कासी चक्कर आउने वा कम रक्तचापको समस्या छ, उनीहरूले सधैं चकलेट साथमा राख्नुपर्छ। जब तपाई कमजोर महसुस गर्नुहुन्छ, तुरुन्तै चकलेट खानुहोस्। यसले शरीरलाई तत्काल ऊर्जा दिन्छ। चकलेट खाँदा शरीरमा एन्डोफिसिन नामक हर्मोन निस्कन्छ । त्यसैले चकलेट खाँदा दुखाइ कम हुन्छ । यसले प्राकृतिक पेनकिलर जस्तै काम गर्छ।

मधुमेह र तनाव हटाउन मद्दत गर्छ

डार्क चकलेटमा पाइने फ्लेभोनोइड र ग्लाइसेमिक रसायनले मधुमेह नियन्त्रण गर्न मद्दत गर्छ। चकलेट खाँदा इन्सुलिनको प्रतिरोधी क्षमता कम हुन्छ, जसका कारण शरीरमा चिनीको मात्रा नियन्त्रणमा रहन्छ । चकलेटमा मुड सुधार्ने र तनाव कम गर्ने गुण हुन्छ। जब तपाई खराब मुडमा हुनुहुन्छ भने केहि चकलेट खानुहोस्। तपाईंले राम्रो महसुस गर्नुहुनेछ।

मानसिक रोगहरूमा लाभदायक

चकलेटमा फ्लाभानोल्स रक्त परिसंचरण सुधार गर्दछ। त्यसैले मानसिक रोगमा चकलेट खानु फाइदाजनक हुन्छ ।

रक्तचापमा लाभदायक

चकलेट खाँदा रक्तचाप सधैं नियन्त्रणमा रहन्छ । डार्क चकलेटमा ठूलो मात्रामा फ्लेभोनोइड्स र एन्टी-अक्सिडेन्ट पाइन्छ। हप्तामा दुई वा तीन पटक थोरै मात्रामा चकलेट खाँदा रक्तचाप नियन्त्रण गर्न मद्दत गर्छ ।

खोकीमा प्रयोग गर्नुहोस्

के तपाईलाई थाहा छ चकलेट खोकीमा फाइदाजनक हुन्छ ? लन्डनका चिकित्सा अनुसन्धानकर्ताहरूले कोकोमा पाइने थियोब्रोमाइन तत्वले भरिपूर्ण यस्तो चकलेट तयार गरेका छन्। जसलाई खाँदा रुघाबाट छुटकारा पाउन सकिन्छ । एजेन्सीबाट