हामी सबैकाे संसारन्यूज

काठमाडौं । जनता समाजवादी पार्टीका सुदूरपश्चिम प्रदेशका अध्यक्ष कुष्ण कुमार चौधरी नेकपा माओवादी केन्द्रमा प्रवेश गरेका छन् ।

मंगलबार नै जसपा त्यागेको घोषणा गरेका चौधरीलाई माओवादी केन्द्रका अध्यक्ष पुष्पकमल दाहाल ‘प्रचण्ड’ले पार्टीमा स्वागत गरेका छन् ।
चौधरीलाई स्वागत गर्दै अध्यक्ष प्रचण्डले नयाँ अनुभव र अनुभुतिसहित चौधरी फेरि पार्टीमा समाहित भएकोमा खुसी व्यक्त गर्दै कैलाली जिल्ला २०६४ को नजिक पुग्ने विश्वास व्यक्त गरेका थिए । उनले विप्लवलगायतका अन्य पार्टीका नेताहरु पनि माआवादीमा आउने विश्वास गरेका थिए ।

२०४७ देखि नेकपा एमालेको राजनीतिमा सक्रिय हुँदै आएका चौधरी २०५८ मा माओवादीमा पूर्णकालीन बनेका थिए । उनी २०६४ को चुनावमा अत्यधिक मत ल्याएर संविधानसभा सदस्य निर्वाचित भएका थिए ।