हामी सबैकाे संसारन्यूज

काठमाडौं । आइएमई जनरल इन्स्योरेन्स लिमिटेडका प्रमुख कार्यकारी अधिकृत युगेशभक्त बादे श्रेष्ठ सम्मानित भएका छन् । नेपाल व्यवस्थापन संघ (एमएएन)ले शनिबार होटलयाक एण्ड यतिमा आयोजित कार्यक्रममा प्रमुख श्रेष्ठलाई आउटस्ट्यान्डिङ म्यानेजमेन्ट अवार्ड २०२२ बाट सम्मानित गरेको सम्मानित गरेको हो ।

उक्त कार्यक्रममा सहभागी भई कम्पनीका प्रमुख श्रेष्ठले उक्त सम्मान ग्रहण गरेका थिए । सो अवसरमा प्रमुख श्रेष्ठले नेपाल व्यवस्थापन संघ (एमएएन)लाई धन्यवाद दिँदै कम्पनीको उपलब्धिमा आ–आफनो क्षेत्रबाट सहयोग तथा साथ दिई महत्वपूर्ण योगदान पुर्याउने सम्पूर्ण ग्राहक, शेयरधनी, कर्मचारीहरु, नियामक निकायहरु, सम्पूर्ण सञ्चार जगत लगायत सबैमा धन्यवाद ज्ञापन गरेका थिए ।

उक्त समारोहमा श्रेष्ठले आगामी दिनमा कम्पनीले प्रदान गर्ने सेवालाई अझै परिस्कृत गर्दै डिजिटल माध्यमबाट समेत सहज र सरल रुपमा सेवा प्रदान गर्ने जानकारी दिए । उक्त अवसरमा श्रेष्ठले आफू जहिले पनि समूहमा विश्वास गर्ने भएको हुनाले आगामी दिनहरुमा पनि यसरी नै सबै क्षेत्रबाटसाथ र सहयोग प्राप्त भई नेपालको निर्जीवन बीमा क्षेत्रमा एक अग्रणी बीमा कम्पनीको रुपमा आइएमई जनरल इन्स्योरेन्स अगाडी बढ्ने प्रतिवद्धता व्यक्त गरे ।