हामी सबैकाे संसारन्यूज

काठमाडौं । निर्वाचन आयोगले स्थानीयतहको निर्वाचनमा कुनै एक पदमा महिला उम्मेदवार अनिवार्य भन्ने यसअघिको प्रावधान शंसोधन गरेको छ ।

यसअघि प्रमुख, उपप्रमुख तथा अध्यक्ष, उपाध्यक्षमध्ये एक पदमा उम्मेदवारी दिँदा महिला अनिवार्य भन्ने प्रावधान सच्याएर अब प्राथमिकता मात्रै दिए पुग्ने व्यवस्था गरेको हो ।

‘चैत २२ गते राजनीतिक दलहरुलाई निर्वाचन व्यवस्थापनलाई लैगिक तथा समावेशीमैत्री बनाउने सम्बन्धमा दिइएको निर्देशनको बुँदा नं ६ मा ‘स्थानीयतहको प्रमुख र उपप्रमुख वा अध्यक्ष र उपाध्यक्षको पदमध्ये कुनै एक पदमा मात्र उम्मेदवारी दिने राजनीतिक दलले महिलालाई उम्मेदवार मनोनयनमा प्राथमिकता दिने’ हुनुपर्नेमा अन्यथा भएकाले सच्याइएको छ ।’ आयोगका प्रवक्ता शालिग्राम शर्मा पौडेलद्धारा जारी प्रेस विज्ञप्तिमा भनिएको छ ।