Sansar News
काठमाडौं । पछिल्लो २४ घण्टामा २६ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ४०७८ नमुना परीक्षणमा २६ जनामात्रै कोरोना संक्रमित थपिएका हुन् ।
आज थपिएका २६ जनासँगै नेपालमा कूल संक्रमित हुनेको संख्या ९ लाख ७८ हजार ६१६ पुगेको छ । साथै आज निको भएका ३७ जनासँगै नेपालमा हालसम्म निको हुनेको संख्या ९ लाख ६६ हजार १११ पुगेको छ ।
नेपालमा हाल ५५४ जना कोरोनाका सक्रिय संक्रमित रहेका छन् । जसमा ५३१ जना होमआइसोलेशन र २३ जना संस्थागत आइसोलेशनमा रहेका छन् । ती मध्ये ११ जना आइसीयु र १ जना भेन्टिलेटरमा उपचाररत छन् ।
नेपालमा हालसम्म ११ हजार ९५१ जनाको मृत्यु भएको छ ।
पछिल्लो. २४ घण्टामा ४१ हजार ४०७ मात्रा कोरोनाविरुद्धको खोप लगाइएको पनि स्वास्थ्य मन्त्रालयले जानकारी दिएको छ ।
वि.सं.२०७८ चैत २९ मंगलवार १७:२२ मा प्रकाशित
