हामी सबैकाे संसारन्यूज

काठमाडौं । उपकार लघुवित्त वित्तीय संस्थाको आईपीओ भर्ने आज अन्तिम दिन रहेको छ । लघुवित्तले चैत २५ गते देखि २९ गते सम्मका लागि साधारण शेयर आईपीओ बिक्री खुला गरेको हो ।

चैत २७ गते आइतबार रामनवमीको अवसरमा सरकारले सार्वजनिक विदा दिएकाले आईपीओका लागि आवेदन दिने म्याद एक दिन थप गरी आज चैत ३० गते कायम गरिएको हो ।

कम्पनीले प्रतिकित्ता रु १०० अङ्कित मूल्यमा रु २ करोड ३६ लाख २५ हजार रुपैयाँ बराबरको २ लाख २६ हजार २५० कित्ता आइपिओ बिक्री खुला गरेको हो ।

निष्काशन गरिएको कुल शेयरमध्ये ०.५० प्रतिशत आर्थत ३ हजार २८१ कित्ता शेयर कर्मचारीहरुका लागि र ५ प्रतिशत अर्थात ११ हजार ८१३ कित्ता शेयर सामूहिक लगानी कोषका लागि छुट्याइएको छ भने सर्वसाधारणले बाँकी रहेको २ लाख २१ हजार १५६ कित्ताका लागि आवेदन दिन सक्नेछन् ।

सर्वसाधारणले न्यूनतम १० कित्तादेखि अधिकतम १ हजार कित्तासम्मका लागि आवेदन दिन सक्नेछन् र सो अवधिसम्म माग गरिएबमोजिम आवेदन नआए २०७९ बैशाख ९ सम्म निष्काशन खुला रहने कम्पनीले जनाएको छ ।