हामी सबैकाे संसारन्यूज

काठमाडौं । राष्ट्रिय परीक्षा बोर्डले कक्षा ११को परीक्षा जेठको तेस्रो सातादेखि गर्न निर्देशन दिएको छ । बोर्डले एक सूचना जारी गर्दै शैक्षिक वर्ष २०७८को कक्षा ११को परीक्षा जेठ १६ गतेदेखि सञ्चालन हुने कक्षा १२को वार्षिक परीक्षासँग नजुध्ने गरी सञ्चालन गर्न/गराउन निर्देशन दिएको हो ।

बोर्डले २०७८ सालमा रजिष्ट्रेसन भई कक्षा ११मा अध्ययनरत विद्यार्थीको अनलाइन रजिष्ट्रेसन सम्बन्धी विवरण रुजु गर्ने कार्य भईरहेको जनाएको छ । “कक्षा ११को परीक्षा सञ्चालन, व्यवस्थापन, मूल्याङ्कन, नतिजा प्रकाशन र प्रमाणीकरण सम्बन्धी कार्यविधि, २०७७”को परिच्छेद ७ को दफा ९ को ४ (१) ‘क’ अनुसार विद्यार्थीको रजिष्ट्रेसन नम्बरसहित निजले कक्षा ११को परीक्षामा प्रयोग गर्ने सिम्बोल नम्बर बोर्डका प्रदेश परीक्षा व्यवस्थापन/शाखा कार्यलयमार्फत सम्बन्धित विद्यालयमा उपलब्ध गराईने सूचनामा उल्लेख छ ।

विद्यार्थीले कक्षा ११को परीक्षामा बोर्डद्वारा प्रदान गरिएको सिम्बोल नम्बर उल्लेख गरी परीक्षा दिनुपर्ने व्यवस्था रहेको सूचनामा उल्लेख छ ।
सूचनाः