हामी सबैकाे संसारन्यूज

काठमाडौं । मुक्तिनाथ विकास बैंकले “मुक्तिनाथ क्रमिक बचत खाता” योजना ल्याएको छ । बैंकले आफ्नो ग्राहकवर्गको हितलाई ध्यानमा राख्दै उक्त खातामा सञ्चालनमा ल्याइएको  जनाएको छ ।

बैंकले जनाए अनुसार उक्त खातामा बचत तथा मुद्धती खाताको विशेषतालाई समेटिएको छ । बैंकले सो खातामा मासिक वा त्रैमासिक रुपमा एक निश्चित रकम, न्युनत्तम १ वर्षदेखि १० वर्षसम्मको लागि जम्मा गरेको अवस्थामा १ वर्षको व्यक्तिगत मुद्दती खातामा पाइने बराबरको ब्याज प्राप्त गर्न सकिने जनाएको छ ।

यसैगरी, बैैंकले त्रैमासिक रुपमा प्राप्त हुने ब्याज पुनः सोही खातामा जम्मा हुने र त्यसमा पनि मुद्दतीकै ब्याज प्रदान गर्ने भएकाले ग्राहकहरुलाई लाभ हुने जनाएको छ । यस खाताबाट नियमित रुपमा आर्जन गरेको आम्दनीको केही अंश बचत गर्न चाहने ग्राहकहरुलाई न्युनतम लगानीमा उच्चतम प्रतिफलको फाइदा पुग्ने विश्वास लिएको बैंकले जनाएको छ ।