Sansar News
काठमाडौं । स्थानीय तहको निर्वाचन हुन अब मात्रै २६ दिन बाँकी छ । निर्वाचन आयोगको कार्यतालिका अनुसार अबको ६ दिन अर्थात् आगामी वैशाख ११ गते उम्मेदवार मनोनयन दर्ता गर्नुपर्नेछ ।
आयोगको जनाएअनुसार वैशाख १३ गतेसम्म उम्मेदवारीको विरोधमा उजुरी, वैशाख १४ र १५ गते मनोनयन पत्र जाँच र उजुरीमाथि जाँच गरिनेछ । त्यस्तै, वैशाख १६ गते उम्मेदवारले नाम फिर्ता लिने, १६ गतेनै उम्मेदवारी अन्तिम नामावली प्रकाशन गर्ने, वैशाख १७ गते उम्मेदवारलाई निर्वाचन चिन्ह प्रदान गर्ने र वैशान ३० गते मतदान गर्ने कार्यतालिका रहेको आयोगले जनाएको छ ।
राजनीतिक दलहरु अहिले उम्मदेवार छनोटमा व्यस्त छन् । उम्मेदवार बन्न दलभित्र आन्तरिक प्रतिस्पर्धा भइरहेको छ ।
यहाँ वडा अध्यक्ष र वडा सदस्य पदका लागि उम्मेदवार हुन के–कस्तो योग्यता हुनुपर्छ र के–कस्तो कागजपत्र आवश्यक हुन्छ भन्नेमा चर्चा गरिएको छ ।
आयोगले जनाएअनुसार वडा अध्यक्ष तथा सदस्य पदका लागि उम्मेवारी दिन व्यक्तिले नेपाली नागरिकताको प्रतिलिपि, धरौटी राखेको बैंक भौचर वा नगद रसिद, दलको उम्मेदवारको हकमा दलले सिफारिस गरेको पत्र साथमा हुनुपर्नेछ । त्यस्तै सम्बन्धित वडाको मतदाता नामावलीमा नाम समावेश भएको हुनुपर्ने प्रावधान छ ।
वि.सं.२०७९ वैशाख ५ सोमवार १६:३० मा प्रकाशित
