हामी सबैकाे संसारन्यूज

काठमाडौं । नेपालमा कोरोना संक्रमण दर घट्दै गएपनि जोखिम कायमै रहेको हुनाले संक्रमण रोकथाक तथा नियन्त्रणका लागि प्रभावकारी भूमिका बढाउन संवेदनशील भई जिम्मेवार बन्न आग्रह गरिएको छ ।

पछिल्ला केही दिनयता छिमेकी देश भारत लगायतका केही देशमा कोरोना संक्रमण दर बढ्दो क्रममा रहेकाले नेपालमा पनि त्यसको जोखिम कायमै रहेको हुनाले कोरोनाको दुवैमात्रा खोप लगाएका सबैलाई बुस्टर डोज खोप लगाउन स्वास्थ्य मन्त्रालयले आग्रह गरेको छ ।

‘कोभिड १९ को संक्रमण दर भारत लगायतका छिमेकी राष्ट्रहरुमा पछिल्ला केही दिनमा बढ्दो क्रममा रहेको बर्तमान अवस्थामा संक्रमणको जोखिम कायमनै रहेकोले संक्रमण रोकथाक तथा नियन्त्रणका लागि प्रभावकारी भूमिका बढाउन संवेदनशील भई जिम्मेवार बनी जनस्वास्थयको मापदण्डको पालना गर्न गराउन स्वास्थ्य तथा जनसंख्या मन्त्रालय सबैमा हार्दिक अनुरोध गर्दछ ।’ मन्त्रालयकी प्रवक्ता डा. संगीता र्कौशल मिश्राद्धारा जारी विज्ञप्तिमा भनिएको छ ।