Sansar News
अरुण कु.भुजेल, गोरूबथान, कालेबुङ्ग भारत
१.
सर्वत्र घुस्यो राजनीति उद्देश्य झोला भर्ने,
मूल ढोका हेर्दै नहेरी जस्केलो तिरै सर्ने ।
२.
नीति र नियत दुवै ठिक हुनु पर्छ भन्थे
कुर्सीमा पुगेपछि उही टेबुल मुनि गन्थे ।
३.
जनता अनि देश सधैँ मधुरो नै देखिन्छ,
यस्तोमा मनोभाव कसरी हँसिलो लेखिन्छ ?
४.
जनताको दुखेसो सुन्छ त्यो नेताले भोटमा,
जितेपछि जनता भुल्दै रमाउँछ नोटमा ।
५.
बिरामी भन्न त मिल्दैन सञ्चो पनि खासै छैन,
कटकटी दुख्छ भित्री मन यो छाम्न मिल्ने हैन ।
वि.सं.२०७९ वैशाख १० शनिवार ०६:१५ मा प्रकाशित
