हामी सबैकाे संसारन्यूज

बिन्दु पौडेल,दाङ तुल्सिपुर

१
भ्रष्ट मतियार भै लुक्छ खै खोजी हुन्छ यहाँ ?
कानुन पैसामा बिक्छ उसैको रोजी हुन्छ यहाँ
बाहिर बोक्रो, भित्र खोक्रो नेपालको कानुन
लाटो मर्छ बाठोले खान्छ उसैको गोजी हुन्छ यहाँ ।

२
मेरो मात्र होइन, सबैको होस् भन्ने भावना राखौं
मेहनत फुल्छ सधैं सधैं प्रयत्न साधना राखौं
मेरो परिचय तल्लिनतामा दियोस् मेरो समाजले
सधैं मनमा मानवीयता भरि हार्दिकता कामना राखौं ।

३
कहिले हराउँछु आफै भित्र कल्पनाको सहरमा
कहिले हराउँछु आफैं भित्र सपनाको लहरमा
असीमित हुँदा रहेछन् चाहानाहरु यो मनको
कहिले हराउँछु आफैं भित्र विपनाको शहरमा ।

४
अवसर भित्र आउने चुनौतीको पहाडलाई ठोक्नुपर्छ
माथ भित्र शुद्ध इच्छा आंकाक्षाहरु बोक्नुपर्छ
जति पलाए पनि समस्याका कुण्ठित यी जराहरु
स्वधर्मले तिखा बिझ्ने काँडालाई परैबाट रोक्नुपर्छ ।।

५
वसन्तको अनुपम शीतल छहारीमा
सुवास छर्दै मगमगाउने फूलबारीमा
पौरखी माली गोड्दैछ, यहाँ मुनाहरु
सजाउनेछ टिपेर दिलको भकारीमा ।।