Sansar News
काठमाडौं । नेपालमा पछिल्लो २४ घण्टामा गरिएको ४,७७५ नमुना परक्षिणमा २१ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार आज थपिएका २१ जनासँगै नेपालमा हालसम्म संक्रममित हुनेको संख्या ९ लाख ७८ हजार ७६२ पुगेको छ ।
त्यसैगरी आज थप १७ जना कोरोना संक्रमणबाट मुक्त भएसँगै हालसम्म निको हुनेको संख्या ९ लाख ६६ हजार ५४० पुगेको छ ।
नेपालमा हालसम्म कोरोना संक्रमणबाट ज्यान गुमाउनेको संख्या ११ हजार ९५१ रहेको छ ।
त्यस्तै नेपालमा हाल २७१ जना कोरोनाका सक्रिय संक्रमित रहेका छन् । ती मध्ये २७० जना होम आइसोलेशन र १ जना संस्थागत आइसोलेशनमा रहेका छन् । हाल आइसीयु र भेन्टिलेटरमा उपचार गराउनेको संख्या शून्य रहेको छ ।
पछिल्लो २४ घण्टामा १ लाख २३ हजार २१० मात्रा कोरोना भाइरसको खोप लगाइएको छ ।
वि.सं.२०७९ वैशाख १२ सोमवार १७:०८ मा प्रकाशित
