Sansar News
काठमाडौं । कुवेतमा कार्यरत एक नेपाली चेलीको उपचारका क्रममा मृत्यु भएको छ ।
गरामुनि–९ झापा घर भई कुवेतमा कार्यरत ४४ वर्षीया यदु गुरुङको उपचारको क्रममा निधन भएको हो ।
एक महिनादेखि लिभरको क्यान्सर रोगका कारण पीडित रहेकी गुरुङको उपचारका क्रममा अमिरी हस्पिटलमा मंगलबार बिहान मृत्यु भएको बताइएको छ ।
घरेलु कामदारको रुपमा कुवेत पुगेकी उनी स्पोन्सरबाट रिलिज लिएर व्युटीपार्लरमा कार्यरत थिइन् ।
एकमहिनाअघि एक्कासी पेट दुख्यो भनेर जाहारामा रहेको जाहारा हस्पिटलमा उपचारको लागि गएकी उनलाई अस्पतालले लिभरमा क्यान्सर देखिएको भन्दै अमिरी हस्पिटलमा रिफर गरिदिएको थियो ।
कुवेतस्थित नेपाली दूतावासले गुरुङको मृत्यु भएको जानकारी प्राप्त भएको र थप अनुसन्धान गर्ने कार्य भइरहेको बताइएको छ ।
वि.सं.२०७९ वैशाख १५ बिहीवार १२:३५ मा प्रकाशित
