हामी सबैकाे संसारन्यूज

काठमाडौं । शिवशिखर बहुउद्देश्यीय सहकारी संस्थाले पोखराको चाउथेमा १७औं शाखा सञ्चालनमा आएको छ । सहकारीले पोखरा महानगरपालिका १४ स्थित चाउथेमा मार्टको १७औं शाखा सञ्चालनमा ल्याएको हो ।

उक्त नयाँ शाखाको उद्योग बाणिज्य संघ पोखराका प्रथम बरिष्ठ उपाध्यक्ष पवन प्रजापतिले शनिवार एक कार्यक्रमका वीच उद्घाटन गरेका थिए । मार्टको सञ्चालनले स्थानीयलाई किनमेलको नयाँ अनुभव दिने बताउँदै उपाध्यक्ष प्रजापतिले यसले स्थानीय स्तरमा रोजगारीको समेत सिर्जना गर्ने बताए । उपभोक्तालाई एउटै छानामुनी दैनिक उपभोग्यवस्तु देखि अन्य विभिन्न सामान किनमेलको अनुभव दिलाउने उदेश्यले यो मार्ट सञ्चालनमा ल्याइएको सहकारीले जनाएको छ ।

मार्टमा चामल, चिनि, दाल लगायतमा दैनिक उपभोग्य बस्तु, सबै उमेर समूहका नागरिकलाई हुने लत्ता कपडा, बालबालिकाका लागि खेलौनाहरु उपलब्ध रहेको शहकारीले जनाएको छ । यसका अतिरिक्त मार्टमा महिलाहरुका लागि श्रृंगारका सामग्रिहरु, फ्रिज, बासिङ्ग मेसिन, आइरन, गिजर लगायतका विद्युतीय उपकरणहरु विक्रिका लागि राखिएको सहकारीले जनाएको छ ।

र्ट शुभारम्भको अवसरमा सामग्रिहरुको खरिद गर्दा उपभोक्ताले निश्चित प्रतिशत छुट पाउने सहकारीका अध्यक्ष शुशिल बानियाले जानकारी दिए । अध्यक्ष बानियाका अनुसार बचत संकलन र ऋण प्रवाहका अतिरिक्त सहकारीले प्रत्यक्ष नाफामुलक व्यवसायमा समेत लाग्नु पर्छ भन्ने हिसावले यो मार्ट सञ्चालनमा ल्याइएको हो ।

सहकारीले भक्तपुरको सूर्यविनायक, ललितपुरको ठैब, काठमाडौंको किर्तिपुर, उदयपुरको लाहान, चितवनको नारायणघाट, मकवानपुरको हेटौडा, बुटबलको जोगिकुटी, नेपालगञ्जको न्यूरोड, सुर्खेतको वीरेन्द्रनगर, कैलालीको धनगाढी, डडेलधुरा, दाङ्गको घोराही, बाँकेको चाँदनी चोकमा गार्डेन मार्टको शाखा सञ्चालनमा ल्याइसकेको छ ।