Sansar News
काठमाडौं । सरकारले वरियता क्रम मिचेर आफुभन्दा कनिष्ठलाई प्रहरी प्रमुख (आइजीपी) नियुक्त गरिएको भन्दै अतिरिक्त महानिरीक्षकद्वय विश्वराज पोखरेल र सहकुल थापा सर्वोच्च पुगेका छन् । उनीहरु दुबैजना प्रहरी महानिरीक्षकको नियुक्ति बदर हुनुपर्ने माग राखेर सोमबार बिहान अदालत पुगेका हुन् ।
आइतबार बसेको मन्त्रीपरिषद्को बैठकले प्रहरी प्रमुखमा धिरजप्रताप सिंहलाई नियुक्त गरेको थियो । प्रहरी प्रमुखका लागि चार जना अतिरिक्त महानिरीक्षकहरु विश्वराज पोखरेल, सहकुल थापा, धिरजप्रताप सिंह र रवीन्द्र धानुक दावेदार रहेका थिए ।
धिरजप्रताप तीनै जनालाई उछिनर आइजीपी बनेका छन् । प्रहरी प्रमुखमा नियुक्त भएका धिरजप्रतापले सोमबार बिहानै आइजीपीको दर्ज्यानी चिन्ह्न लगाइसकेका छन् ।
वि.सं.२०७९ वैशाख १९ सोमवार १३:०३ मा प्रकाशित
