Sansar News
काठमाडौं । नेपालमा थप ३२ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३०९४ नमुना परीक्षणमा ३२ जनामा कोरोना संक्रमण पुष्टि भएको हो ।
आज थपिएका ३२ जनासँगै नेपालमा हालसम्म कोरोना संक्रमित हुनेको संख्या ९ लाख ७८ हजार ८७१ पुगेको छ ।
त्यस्तै पछिल्लो २४ घण्टामा २३ जना संक्रमणबाट मुक्त भएका छन् । आज निको भएका २३ जनासँगै नेपालमा हालसम्म निको हुनेको संख्या ९ लाख ६६ हजार ६९७ पुगेको छ ।
त्यस्तै नेपालमा हालसम्म कोरोनाबाट मृत्य हुनेको संख्या ११ हजार ९५१ रहेको छ ।
नेपालमा हाल २१७ जना सक्रिय संक्रमित रहेका छन् । ती मध्ये २१६ जना होम आइसोलेशन र १ जना संस्थागत आइसोलेशनमा रहेका छन् । आइसीयुमा १ जना रहेका छन् भने भेन्टिलेटरमा रहनेको संख्या शून्य रहेको छ ।
त्यस्तै पछिल्लो २४ घण्टामा ९३ हजार ५ सय ४६ मात्रा कोरोना भाइरसको खोप लगाइएको छ ।
वि.सं.२०७९ वैशाख २० मंगलवार १६:२८ मा प्रकाशित
