६ चैत,जुम्ला । नेपाल पत्रकार महासङ् जुम्लाको पाँचौँ जिल्ला अधिवेशनले बरमबहादुर महतका अध्यक्षतामा १५ सदस्यीय नयाँ जिल्ला कार्यसमिति गठन भएको छ ।
अधिवेशनले खुला उपाध्यक्षमा नेत्रबहादुर शाही, समावेशी उपाध्यक्षमा गीता शाही महत, सचिवमा धनबहादुर बुढा, कोषाध्यक्षमा ईश्वरी देवकोटा, खुला सहसचिवमा भरतबहादुर बोहोरा र समावेशी सहसचिवमा नौरते नेपालीलाई चयन गरेको छ । त्यस्तै खुला सदस्यमा विजय रावत, धर्मसिंह कठायत, कृष्णबहादुर बोहोरा, महिला सदस्यमा विष्णुमाया रोकाया र रतन नेपाली, आदिवासी÷जनजाति सदस्यमा साङ्मु लामा, दलित सदस्यमा तीर्थ वड, अपाङ्गता भएका सदस्यमा सूर्यबहादुर अधिकारी निर्वाचित हुनुभएको छ ।
प्रदेश पार्षद्मा सुरजकुमार सिंह, धनलाल बस्नेत, पदम रोकाया, शिवराज न्यौपाने, खगेन्द्रबहादुर मल्ल, देवीप्रसाद पाण्डे, शिवा शाही, कर्णबहादुर भण्डारी, तुलराम रावत, कृष्णमाया उपाध्याय, धीरज महत, जयऋषि उपाध्याय र मोहनविक्रम शाही रहेको अध्यक्ष महतले जनाउनुभयो ।
त्यसैगरी केन्द्रीय पार्षद्मा नरेश भण्डारी, रमेश आचार्य, पूर्णप्रसाद चौलागार्इं, गोर्खबहादुर थापा, नेत्रबहादुर शाही, भीम नेपाली साने, नरेन्द्रनाथ योगी, उमेश आचार्य, इन्दिरा थारु र लक्ष्मीप्रसाद देवकोटा रहेको नेपाल पत्रकार महासङ्घ जिल्ला शाखा जुम्लाले जनाएको छ ।
अधिवेशनको बन्दसत्रमा नेपाल पत्रकार महासङ्घका केन्द्रीय सचिव प्रभात चलाउनेले खोज तथा अनुसन्धानमूलक पत्रकारितामा जोड दिन सबै पत्रकारलाई सुझाव दिनुभयो । निर्वाचन मण्डलका सदस्य राजबहादुर कुँवरले महासङ्घले कर्णालीको इतिहास तयार गर्नुपर्ने बताउनुपर्ने बताउनुभयो । रासस
वि.सं.२०७३ चैत ६ आइतवार ०७:३४ मा प्रकाशित