Logo
९ जेष्ठ २०७९, सोमबार
     Mon May 23 2022
E-paper
  English Edition
   Unicode
Logo

कविता : परेवा र म



ओम आचार्य, अर्घाखाँची

एकाबिहानै
म तिनीहरू आए कि भनेर आउँछु
तिनीहरू म आयो भनेर आउँछन्
हाम्रो देवघाट
हाम्रो भेटघाट
हाम्रै घरको छत हो
हामी दुबै थरिको यो बथ हो ।

तिनीहरू केही दिन्छ भनेर आउँछन्
म तिनीहरूलाई केही दिन्छु भनेर आउँछु
हाम्रो गजबको सम्बन्ध छ
तिनीहरू चारो खाएर भोक मेटाउँछन्
म तिनीहरूको कामकला हेरेर अतृप्त प्यास मेटाउँछु
भोक र प्यासले बनाएको मित्रता
अजीवको छ अजीवको ।

तिनीहरू बथानमा आउछन्
पेट भर्छन्
फोहर गर्छन्
परपर सर्छन्
संसर्ग गर्छन्
बाज संग डर्छन्
मैले पनि यिनकै सिको त गर्छु
फरक यत्ति छ तिनीहरू सम्बन्ध मुक्त छन्
म बन्धनयुक्त छु ।

तिनीहरू शान्ति बोकेर माथि माथि उड्छन्
म शान्ति खस्ला भनी फाँद थाप्छू
थापिरहन्छु समय
चाँपिरहन्छु रहर
हेर्दै हर प्रहर
टसमस नगरी
भोलि बिहान फेरि भेट्ने गरी ।

 


यो खबर पढेर तपाईलाई कस्तो महसुस भयो ?

काठमाडौं । भरतपुर महानगरपालिकाको मत गणना करिब अन्तिम चरणमा पुगेको छ । अब मात्रै

काठमाडौं । स्थानीय तहको निर्वाचनअन्तर्गत अन्तिम नतिजा आएका ७ सय २९ पालिकामध्ये स्वतन्त्र उम्मेदवारले

गण्डकी । स्थानीय तह सदस्य निर्वाचन– २०७९ अन्तर्गत जारी मतगणनामा पोखरा महानगरपालिकाको प्रमुखमा सत्ता

काठमाडौं । अन्तिम नतिजा आएका ७ सय ७ पालिकामध्ये नेकपा (माओवादी केन्द्र)ले १ सय

काठमाडौं । २०७४ मा भएको स्थानीय तहको निर्वाचनमा मधेशमा माओवादी केन्द्र बलियो पार्टीको रुपमा