हामी सबैकाे संसारन्यूज

काठमाडौं । निर्वाचन आयोगले २०७४ को निर्वाचनमा भन्दा यसवर्षको निर्वाचन कम खर्चिलो हुने बताएको छ ।

निर्वाचन आयोगका प्रवक्ता सालिग्राम पौडेलले बैशाख ३० गते निर्वाचन सम्पन्न भएपछि प्रति मतदाता खर्चको हिसाब आउने बताउँदै विगतको निर्वाचन भन्दा यो निर्वाचन कम खर्चिलो हुने बताए ।

मतदाता शिक्षामा धेरै खर्च भएको र त्यो प्रभावकारी नभएको भन्ने प्रश्नमा प्रवक्ता पौडेलले निर्वाचनका लागि कूल छुट्याएको २४ करोड रकममा नौ करोड खर्च नहुने स्थिति रहेको बताए ।

‘करिब १०–१२ करोड मात्रै मतदाता शिक्षामा खर्च हुने स्थिति छ । २०७४ को निर्वाचनमा मतदाता शिक्षिकालाई मात्रै ४० करोड खर्च भएको थियो । अरु पोस्टर पम्लेट, टिभी रेडियोको त कुरै छोड्नुहोस् ।’ प्रवक्ता पौडेलले भने ।

पौडेलले अहिलेको निर्वाचनमा कम खर्चमा बढी प्रभावकारी के हुन सक्छ भनेर आयोगले अवलम्बन गरेको समेत बताए । उनले विगतमा कामै नगरी पैसा खर्च गरेको भन्दै आयोगले आलोचना खेप्नु परेको भन्दै यसपटकको निर्वाचनमा त्यो पक्रियालाई पछि राखेर डिजिटल माध्यमबाट गएको पनि उनले जानकारी दिए ।

उनले खर्च गरेमा मात्र मतदाता शिक्षा हुने र नगरे नहुने भन्नेमा आयोगले मान्यता नराख्ने समेत उनले बताए ।