Sansar News
काठमाडौं । नेपालमा थप ४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार २ हजार ८ सय १७ नमुना परीक्षणमा थप ४ जनामा कोरोना संक्रमण देखिएको हो । आज थपिएका ४ जनासँगै नेपालमा हालसम्म कोरोना संक्रमति हुनेको संख्या ९ लाख ७८ हजार ८७६ पुगेको छ ।
त्यसैगरी आज निको भएका १८ जनासँगै नेपालमा हालसम्म ९ लाख ६६ हजार ८५७ जना निको भएका छन् । साथै कूल संक्रमित मध्ये हालसम्म ज्यान गुमाउनेको संख्या ११ हजार ९५२ रहेको छ ।
त्यस्तै हाल १७३ जना सक्रिय संक्रमित रहेका छन् । ती मध्ये होम आइसोलेशनमा १७२, संस्थागत आइसोलेशनमा १ जना रहेको छ भने आइसीयु र भेन्टिलेटरमा रहनेको संख्या शून्य रहेको छ । पछिल्लो २४ घण्टामा २१ हजार १ सय ७९ मात्रा कोरोनाविरुद्धको खोप लगाइएको छ ।
वि.सं.२०७९ वैशाख २९ बिहीवार १७:१३ मा प्रकाशित
