हामी सबैकाे संसारन्यूज

काठमाडौं । तारा एयरको ९ एनएईटी ट्विनअटर विमान बिहान १० बजेदेखि वेपत्ता छ । बिहान मुस्ताङको लेतेमा पुगेसँगै सम्पर्कविहीन बनेको थियो । विमान लेतेको पहाडमा दुर्घटना भएको आशंका गरिएको छ ।

अहिले उक्त क्षेत्रमा खोजी कार्य जारी छ । तर, मौसम अनुकुल नभएको कारण खोजीकार्य निकै कठिन पनि भइरहेको छ । हराएको विमान खोज्न फिस्टेल एयर र सेनाको हेलिकोप्टर पनि परिचालन गरिएको छ ।

हराइरहेको विमानमा चालकदलका सदस्यसहित २२ यात्रु छन् । विमानमा २ जर्मनी र ४ भारतीय यात्रु पनि छन् ।

विमानमा इन्द्रबहादुर गोले, पुरुषेत्तम गोले, राजन कुमार गोले, मिक ग्र्याट, बसन्त लामा, गणेश नारायण श्रेष्ठ, रवीना श्रेष्ठ, रस्मी श्रेष्ठ, रोजिना श्रेष्ठ, प्रकाश सुनुवार, मकर बहादुर तामाङ, राममाया तामाङ, सुकुमाया तामाङ, तुल्सादेवी तामाङ, अशोक कुमार त्रिपाठी, धनुष त्रिपाठी, ऋतिका त्रिपाठी, युवी विल्नर र वैभवी बाण्डेकर सवार थिए ।

चालक दलको तर्फबाट विमान क्याप्टेन प्रभाकर घिमिरेले उडाएका थिए भने सहचालक उत्सव पोखरेल र एयर होस्टेस किस्मी थापा थिइन् ।

सम्बन्धित समाचार

पोखराबाट जोमसोमका लागि उडेको तारा एयरको जहाज सम्पर्कविहीन

अपडेट : हराएको जहाज खोज्न पठाइयो हेलिकोप्टर

वेपत्ता विमान मुस्ताङको लेतेमा दुर्घटना भएको आशं