हामी सबैकाे संसारन्यूज

काठमाडौं । चिनियाँ प्रविधि कम्पनी टेन्सेन्टले आफ्नो युरोपेली सब्सिडायरीबाट इ–कमर्स कम्पनी फ्लिपकार्टको सेयर खरिद गरेको छ ।
फ्लिपकार्टका सह–संस्थापक बिन्नी बंसलबाट टेन्सेन्टले २४ करोड ६० लाख अमेरिकी डलर बराबरको सेयर हिस्सा खरिद गरेको बताइएको छ । सिंगापुरमा मुख्यालय रहेको इ–कमर्स कम्पनी फ्लिपकार्टले भारतमा मात्रै आफ्नो सेवा दिइरहेको छ ।

बन्सलले टेन्सेन्टलाई सेयर बिक्री गरेपछि अब फ्लिपकार्टमा उनको करिब १.८४ प्रतिशत सेयर छ । २०२१ को अक्टोबरमै सेयर खरिद बिक्री भइसकेको भए पनि सरकारी अधिकारीहरुलाई चालू आर्थिक वर्षको सुरुआतमा मात्रै जानकारी गराइएको भारतीय समाचार संस्था टाइम्स अफ इन्डियाले जनाएको छ । सेयर खरिदबिक्रीपछि टेन्सेन्टसँग फ्लिपकार्टको ०.७२ प्रतिशत सेयर छ । जसको मूल्य २४ करोड ६० लाख डलर हो । फ्लिपकार्टले जुलाई २०२१ मा सार्वजनिक गरेको वित्तीय विवरणअनुसार फ्लिपकार्टको मूल्यांकन ३७ अर्ब ६० करोड डलर थियो ।

फ्लिपकार्टले सिंगापुरको सोभर्न वेल्थ फन्ड जीआइसी, सीपीपी इन्भेष्टमेन्ट्स, सफ्ट बैंक भिजन फन्ड २ र वालमार्टबाट तीन अर्ब ६० करोड डलर फन्डिङ जुटाएपछि मूल्यांकन