Sansar News
मोहन गौतम,रांका, सिक्किम
भएँ म एक्लो तिमी सहारा बनेर आऊ
निरास यो जिन्दगीको चारा बनेर आऊ ।
म नाम जप्दै छु सम्झनामा रुँदै कसैको
बुझी खुसीको मिठो इसारा बनेर आऊ ।
देखिन्छ सबले फोहोर मैला गरेर हिँड्छन्
लिएर उपदेश एक नारा बनेर आऊ ।
सबै अँध्यारो कुकर्मले विघ्न पार्न थाल्यो
प्रकाश छर्ने कुनै सितारा बनेर आऊ ।
मलाई बुझ्ने हुँदैन कोही तिमी सिवाय
मुसुक्क हाँस्दै सधैँ पियारा बनेर आऊ
बहर : जमील मुसद्दस सालिम
अर्कान : १२१२२–१२१२२–१२१२२
काफिया : आरा
रदिफ : बनेर आऊ
वि.सं.२०७९ असार ११ शनिवार ११:२७ मा प्रकाशित
