काठमाडौं । उपन्यासकार रञ्जना पराजुली लम्सालको उपन्यास ‘आर्तनाद’ भव्य कार्यक्रमका बिच लोकार्पण गरिएको छ ।
साहित्यिक पत्रकार संघको आयोजनामा ११ गते शनिवारका दिन थाहा पुस्तकालय, मीनभवन, काठमाडौँमा आयोजित कार्यक्रमका बीच पराजुलीको ‘आर्तनाद’ लोकार्पण गरिएको हो ।
साहित्यिक पत्रकार संघका अध्यक्ष राधेश्याम लेकालीको अध्यक्षतामा प्रमुखअतिथि नेपाल प्रज्ञा प्रतिष्ठानका प्राज्ञ दिनेशराज पन्त लगायतले सो कृतिको लोकार्पण गरेका थिए ।
लोकार्पण कार्यक्रममा उपन्यास समाज नेपालका अध्यक्ष वरिष्ठ आख्यानकार शंकर भारती र समालोचक लीला लुइटेलले आर्तनादमाथि आ–आफ्नो मन्तव्य राखेका थिए ।
राजबाबु श्रेष्ठले सञ्चालन गरेको उक्त कार्यक्रममा साहित्यकार बाबुराम पौडेल, डा. दामोदर पुडासैनी, ललीता दोषी, उपन्यासकार रञ्जना पराजुली लम्साल, प्रमुख अतिथि प्राज्ञ दिनेशराज पन्त र अध्यक्ष राधेश्याम लेकाली लगायतले आ–आफ्नो मन्तव्य राखेका थिए ।
वि.सं.२०७९ असार १२ आइतवार १३:१५ मा प्रकाशित