विजय थापा, अमेरिका । नेपाली कांग्रेसमा महामन्त्री बिश्व प्रकाश शर्मा अमेरिकाको नर्थ क्यारोलाइनामा हुने एनआरएनए एनसिसिको ज्ञान सम्मेलन तथा साधारणसभामा सहभागी हुन् अमेरिका आएपुगेका छन् ।
जुलाई २ का दिन डिसीक्षेत्रको डलस अन्तर्राष्ट्रिय विमानस्थलबाट अमेरिका ओर्लिएका महामन्त्री शर्मालाई नर्थ क्यारोलाइनामा आयोजकहरुले स्वागत गरेका थिए ।
अमेरिकाको ¥याले शहरस्थित मेरिएट सिटी सेन्टर, नर्थ क्यारोलिनामा जुलाई ३–४ गते गैरआवासीय नेपाली संघ राष्ट्रिय समन्वय परिषद् (एनआरएनए एनसीसी) अमेरिकाले आयोजना गर्न ११ औँ वार्षिक साधारणसभा तथा ज्ञान सम्मलेनमा भाग लिन शर्मा त्यहाँ पुगेका हुन् ।
गैरआवासीय नेपाली संघले उठान गरेको गैरआवासीय नागरिकता लगायत बिषयमा उनको भनाई र विचारहरु सुन्न सहभागीहरु आतुर रहेको बताइएको छ ।
नेपालमा आगामी निर्वाचन र संसदमा रोकिएर बसेको गैरआवासीय नेपाली नागरिकताले पूर्णता प्राप्त गर्ने सबैको ध्यान त्यसतर्फ गएको छ भने नेपाली कांग्रेसले पनि उक्त बिषयमा सकारात्मक कदम चाल्दै आएको बताइएको छ ।
दुई दिने उक्त कार्यक्रममा महामन्त्री शर्मा प्रमुख अतिथि रहने छन् भने प्रधानमन्त्री शेरबहादुर देउवाको संदेश समेत प्रस्तुत गरिने आयोजकले जनाएको छ ।
