Sansar News
काठमाडौं । अपर हेवाखोला हाइड्रोपावर कम्पनीले साधारण शेयर(आईपिओ) निष्काशन तथा बिक्री खुला गरेको छ । कम्पनीले आज (असार २४ गते)देखि साधारण शेयर(आईपिओ) बिक्री खुला गरेको हो ।
कम्पनीले प्रति कित्ता १ सय अंकित मुल्यका १५ करोड बराबरको १५ लाख कित्ता शेयर सर्वसाधारणका लागि निष्काशन गरेको जनाएको छ । जसमध्ये २ प्रतिशत अर्थात ३० हजार कित्ता शेयर कर्मचारीहरुका लागि सुरक्षित गरिएको छ भने ५ प्रतिशत अर्थात ७५ हजार कित्ता शेयर सामुहिक लगानी कोषको लागि छुट्याइएको छ । बाँकी १३ लाख ९५ हजार कित्ताका लागि सर्वसाधारणले आवेदन दिन सक्ने छन् ।
शेयरका लागि कम्तीमा १० कित्ता र बढिमा १ लाख कित्तासम्म आवेदन दिन सकिने छ । शेयर आवेदन यहि असार २८ गतेसम्म दिन सकिने कम्पनीले जनाएको छ । कम्पनीको शेयर निष्काशनका लागि एनएमबी क्यापिटल लिमिटेड बिक्रि प्रबन्धक रहेको छ ।
वि.सं.२०७९ असार २४ शुक्रवार ११:४० मा प्रकाशित
