Sansar News
काठमाडौं । गोली लागेर गम्भीर घाईते भएका जापानका पूर्वप्रधानमन्त्री शिन्जो आवेको निधन भएको छ ।
शुक्रबार बिहान जापानको नारा शहरमा एक सभालाई सम्बोधन गरिरहेका बेला एक व्यक्तिले गोली हानेका थिए ।
गोली लागेर तत्कालै ढलेका आवेलाई हृदयघात समेत भएको थियो ।
६७ वर्षीय आवेलाई तत्कालै हेलिकप्टरमार्फत् उनलाई बेहोस अवस्थामा अस्पताल पुर्याइएपनि उपचारका क्रममा उनको मृत्यु भएको जापानी संचारमाध्यमलाई उदृत गर्दै बीबीसीले जनाएको छ ।
जापानको सबैभन्दा लामो समय प्रधानमन्त्री बनेका आवेमाथि चुनावी भाषणका बेलामा ४१ वर्षीय यामागामी तेत्सुयाले गोली हानेका थिए । हाल उनी प्रहरीको नियन्त्रणमा रहेपनि के कारणले गोली हानेका हुन् भन्ने खुलेको छैन ।
गोली लागेका जापानका पूर्वप्रधानमन्त्रीको अवस्था गम्भीर–जापानी प्रधानमन्त्री
वि.सं.२०७९ असार २४ शुक्रवार १४:५० मा प्रकाशित
