हामी सबैकाे संसारन्यूज

कृष्ण शर्मा सुमु, सिलगढी हाल झारखण्ड

संघर्ष लेखेपछि मेट्न नसकिने रहेछ । जीवन एउटा संघर्षको पर्खाल हो । जति चढ्नु खोजिन्छ उति पछार्नु पर्छ ।

स्कुलबाट थाकेर आएको संगीताले दिमागमा धेरै कुराहरू एकैसाथ दौडाई ।

श्रीमानको वियोगान्तपछि उसको सहारा एउटा छोरो छ । उसको सहारा नै हो बाँच्ने धरातल एउटा छोरा ।

इन्टर दिने भयो यो पाली मनमनै खुसी भएर ओछ्यानमा पल्टिँदा उसलाई नमिठो लाग्यो ।

यो निजी(उखत) स्कुलमा सबै बढे पनि कहिले नबढने रहेछ मासिक तनखा । घर टाल्नु कि नानी पढाउनु ।

संगीताले हिसाब मिलाउनु नोटबुक निकाली । दोकानको हिसाब, दूध, बिजुली बिल, नानीको फिस, बस भाडा, बिवाहामा सरौं,…………………….अलिकति पनि नबाँच्ने रहेछ ।

कलम नोटबुक सबै राखेर सोच्नु थाली दुनियाँको बालबालिकाको भविष्य सुधार्ने जिम्मा बोके पनि आफ्नो भविष्य जहिले अँध्यारो रहेछ ।