हामी सबैकाे संसारन्यूज

काठमाडौं । श्वेतगंगा हाइड्रो पावर एण्ड कन्स्ट्रसन लिमिटेडले आइपीओ निष्काशन गर्ने भएको छ । कम्पनीले सर्वसाधारणका लागि आगामी साउन ४ गतेदेखि आइपीओ निष्काशन गर्न लागेको हो ।

कम्पनीले सर्वसाधारणका लागि २३ लाख ८९ हजार ५ सय कित्ता शेयर निष्काशन गर्न लागेको हो । जसमध्ये ५ प्रतिशतले हुन आउने १ लाख १९ हजार ४ सय ७५ कित्ता शेयर सामुहिक लगानी कोषहरुको लागि छुट्याईएको छ । बाँकी रहेको २२ लाख ७० हजार २५ कित्ताका लागि सर्वसाधारणले आवेदन दिन सक्ने छन् ।

शेयर खरिदका लागि न्युनतम १० कित्ता देखि अधिकतम १० हजार कित्तासम्म आवेदन दिन सकिने छ । साउन ८ गतेसम्म शेयर खरिदका लागि आवेदन दिन सकिने छ ।

कम्पनीले यसअघि नै स्थानीय आयोजना प्रभावितका लागि शेयर जारी गरी सकेको छ । कम्पनीलाई नेपाल धितोपत्र बोर्डले जेठ १० गते शेयर निष्काशनको लागि अनुमति प्रदान गरेको हो ।

श्वेतगङ्गाको आइपिओमा आवेदन दिने आज अन्तिम दिन