हामी सबैकाे संसारन्यूज

सियोल, दक्षिण कोरिया । दक्षिण कोरियाले कोभिड–१९ सङ्क्रमण दर बढेको र पछिल्लो २४ घण्टाको अवधिमा थप एक लाख दुई सय ८५ व्यक्तिमा सङ्क्रमण पुष्टि भएको जनाएको छ ।

यससँगै यहाँ अहिलेसम्म कोभिड–१९ सङ्क्रमितको कूल सङ्ख्या एक करोड ९४ लाख ४६ हजार नौ सय ४६ पुगेको स्वास्थ्य अधिकारीहरूले बुधबार बताए ।

कोरिया रोग नियन्त्रण तथा रोकथाम एजेन्सी (केडीसीए) अनुसार दैनिक सङ्क्रमण भार अघिल्लो दिन ९९ हजार तीन सय २७ रहेकोमा यो सङ्ख्यामा वृद्धि भई एक लाख दुई सय ८५ पुगेको छ । एक हप्ताअघि यो सङ्ख्या ७६ हजारभन्दा बढी थियो । गतहप्ता पुष्टि गरिएका घटनाहरूको दैनिक औसत सङ्ख्या ७२ हजार सात सय ३५ रहेको थियो ।

नयाँ सङ्क्रमितमध्ये विदेशबाट आएका पाँच सय ३२ जनामा सङ्क्रमण देखिएको बताइएको छ । यहाँ गम्भीर अवस्थामा रहेका सङ्क्रमितको सङ्ख्या अघिल्लो दिनभन्दा नौ जना बढेको र कूल एक सय ७७ पुगेको छ । पछिल्लो २४ घण्टामा दक्षिण कोरियामा थप २५ जनाको मृत्यु भएको पुष्टि गरिएको छ । योसँगै यहाँ कोभिड–१९ सङ्क्रमितको कूल सङ्ख्या २४ हजार नौ सय ३२ पुगेको छ भने अहिलेसम्म मृत्युदर शून्य दशमलव १३ प्रतिशत रहेको छ । (रासस/सिन्ह्वा)