हामी सबैकाे संसारन्यूज

काठमाडौं । एनएमबि क्यापिटलले साउन २६ गतेदेखि नयाँ सामुहिक लगानी कोष योजनाको ईकाई निष्काशन गर्ने भएको छ । क्यापिटलले एमएमबि म्युचुअल फण्ड अन्तर्गत संचालन हुने एनएमबि सुलभ इन्भेष्टमेन्ट फण्ड २ को इकाई निष्काशन गर्न लागेको हो ।

यो योजनाको आकार १ अर्ब २० करोड अर्थात् १२ करोड इकाई बराबरको रहेको छ । प्रति इकाई मूल्य रु.१० दरको १२ करोड इकाई मध्ये १४ प्रतिशत इकाई अर्थात्क १ करोड ६८ लाख इकाई कोष प्रवर्द्धक कम्पनी एनएमबि बैंक तथा १ प्रतिशत इकाई अर्थात १२ लाख इकाई योजना व्यवस्थापक कम्पनी एनएमबि क्यापिटलले लगानी गर्ने छ । एक करोड ८० लाख इकाई बराबर बीज पूँजी बाहेक बाँकी रहेको १० करोड २० लाख इकाईको लागि सर्वसाधारणले आवेदन दिन सक्ने छन् ।

आवेदन दिंदा न्युनतम १०० इकाई र अधिकतम १ करोड २० लाख इकाईको आवेदन दिन सकिने छ । लगानीकर्ताले छिटोमा साउन ३१ गतेसम्म र ढिलोमा भदौ ९ गतेसम्म आवेदन दिन सक्ने छन् । क्यापिटले योजनाको इकाई निष्काशन गर्नको लागि साउन ५ गते नेपाल धितोपत्र बोर्डबाट अनुमति पाएको हो
।
यो बन्द मुखी म्युचुअल फण्ड योजना हो । हाल क्यापिटलले ३ वटा म्युचुअल फण्ड योजना संचालन गरिरहेको छ । क्यापिटलले बन्दमुखी तर्फ एनएमबि हाइब्रिड फण्ड एल १ , र एनएमबि ५० योजना संचालन गरिरहेको छ भने खुलामुखी तर्फ एनएमबी सरल बचत फण्ड ई संचालन गरिरहेको छ ।