Sansar News
काठमाडौं । दुई बैंकले ऋणपत्र निष्काशनको अनुमति पाएका छन् । नेपाल धितोपत्र बोर्डले बैंक अफ काठमाडू (बिओके) र हिमालयन बैंकलाई ऋणपत्र निष्काशनका लागि अनुमति प्रदान गरेको हो ।
बिओकेले अंकित मूल्य १००० दरको १ अर्ब १० करोडले हुन आउने ११ लाख कित्ता ऋणपत्र निष्काशनका लागि अनुमति पाएको हो । जसमध्ये सर्वसाधारणका लागि ४ लाख ४० हजार कित्ता र ६ लाख ६० हजार कित्ता व्यक्तिगत तबर बाट बिक्रि हुने छ । ७ वर्षे अवधिको यस ऋणपत्रमा बैंकले १०.५ प्रतिशत ब्याज प्रदान गर्ने छ । ऋणपत्र निष्काशनको लागि एनआईबिएल एस क्यापिटल बिक्रि प्रबन्धक रहेको छ ।
त्यसैगरी, हिमालयन बैंकले अंकित मूल्य १००० दरको २ अर्ब ५० करोडले हुन आउने २५ लाख कित्ता ऋणपत्र निष्काशनका लागि अनुमति पाएको हो । जसमध्ये सर्वसाधारणका लागि १० लाख कित्ता र १५ लाख कित्ता ब्यतिगत तबर बाट बिक्रि हुने छ । ७ वर्षे अवधिको यस ऋणपत्रमा बैंकले १०.५ प्रतिशत ब्याज प्रदान गर्ने छ । ऋणपत्र निष्काशनको लागि नबिल इन्भेष्टमेन्ट बिक्रि प्रबन्धक रहेको छ ।
बोर्डबाट अनुमति पाएसंगै अब यी बैंकले ऋणपत्र निष्काशनको लागि आह्वान पत्र प्रकाशन गर्न सक्ने छन् ।
वि.सं.२०७९ साउन १७ मंगलवार ११:४२ मा प्रकाशित
