Sansar News
कल्पना अधिकारी भट्टराई
काठमाडौं
१
आगो बाल्नु छ
लुताहरू धेरै छन्
आजै फाल्नु छ
२
भ्रष्टाचारीले
देश खोक्रो बनाए
दुराचारीले
३
स्वार्थ फैलियो
सदाचार मासिँदा
देश वैलियो
४
कुर्सी ठूलो छ
अर्थतन्त्र राष्ट्रको
साह्रै लुलो छ
५
गोड्नै पर्छ है
कुकर्मको जालो यो
तोड्नै पर्छ है
६
लोभी हरामी
बढ्दै गए देशमा
फाल्तु नकामी
७
मास श्रावण
अगुल्टोले हान्ने हो
दुष्ट रावण
८
नयाँ धारणा
गर्नै पर्छ देशका
निम्ति साधना
९
घाउ बल्झिए
हुन्न देश विकास
काम अल्झिए
१०
आगो बालेर
राख्नु हुन्न हरामी
घाती पालेर
साउने संक्रान्ति विशेष
वि.सं.२०७९ साउन २१ शनिवार ०८:१७ मा प्रकाशित
