Sansar News
काठमाडौं । बैंकहरुमा देखिएको तरलता अभावको बाबजुत बैंकहरुको नाफामा बढोत्तरी आएको छ । सञ्चालनमा रहेका २६ वाणिज्य बैंकहरूले प्रकाशित गरेको वित्तीय विवरणअनुसार गत आर्थिक वर्ष २०७८/०७९ मा अघिल्लो वर्षको तुलनामा बैंकहरु नाफा बृद्धि गर्न सफल भएका हुन् ।
आर्थिक वर्ष २०७८/७९ मा वाणिज्य बैंकहरूले ७४ अर्ब ७० करोड रुपैयाँ नाफा कमाएका छन् । जुन अघिल्लो वर्षको तुलनामा २३.१४ प्रतिशतले बढी हो । अघिल्लो वर्षको सोही अवधिमा बैंकहरुले ६० अर्ब ७४ करोड ३८ लाख २ हजार रुपैयाँ नाफा आर्जन गरेका थिए ।
नाफा कमाउनेमा सरकारी स्वामित्वको राष्ट्रिय वाणिज्य बैंक सबैभन्दा अगाडि देखिएको छ । राष्ट्रिय वाणिज्य बैंकले आर्थिक वर्ष २०७८/०७९ मा ५ अर्ब २१ करोड ४२ लाख नाफा आर्जन गरेको छ । जुन अघिल्लो वर्षको तुलनामा ३७.३८ प्रतिशत बढी पनि हो ।
राष्ट्रिय वाणिज्य बैंक पछि ग्लोबल आइएमई, नबिल, एनआइसी एशिया, नेपाल इन्भेष्टमेन्ट, एनएमबी, प्राइम कमर्सियल, नेपाल बैंक, सिद्धार्थ र मेगा बैंक नाफा रकमका आधारमा अगाडि छन् ।
सिभिल बैंक र सेन्चुरी बैंकले अघिल्लो वर्षको तुलनामा नाफा कमाईमा उछाल नै ल्याएका छन् । दुवैले सत् प्रतिशतभन्दा बढी नाफालाई बढोत्तरी गराएका छन् । सिभिलले १६२.३५ प्रतिशतले नाफा बढाउँदा सेन्चुरीले ११५.६६ प्रतिशतले नाफा बढाएको छ ।
कुन बैंकको नाफा कति ? (हजारमा)
वि.सं.२०७९ साउन २२ आइतवार १७:३३ मा प्रकाशित
