हामी सबैकाे संसारन्यूज

पौडेल विमुन्स, पोखरा कास्की

म छु र तिमी छौ
मेरो अस्तित्व
नासिनु हुदैन
नत्र देश रुनेछ
नयाँ परियोजना बन्द हुनेछन्
लुट अझै लुट
म लुटिन तयार छु
दाताहरूको मन रुने गरी लुट
तब पो हात खुल्छन् तिनका
र अर्को वर्ष को उत्सव
मनाउने छौ तिमी

तिमी ले निरन्तर
मलाई लुट्नुको
कारण थाहा भयो
देश बनाउनका लागि रहेछ
बजेट बनाउनका लागि रहेछ
म लुटिन्छु र देश रित्तिन्छ
तिमी भरिन्छौ र सत्तामा पुग्छौ
म माथि दया गरी
नारा लगाउँछौ
नाद सुनिन्छ र
बर्सिन्छ सहयोग
तिमी बटुल्न व्यस्त हुन्छौ
म हेर्छु र हेरिरहन्छु
तिमी हाँसेको
नाचेको
मलाई थाहा छ
फेरि गरीबीको
कथा लेख्छौ
अन्य हात खुलाउन ।